ഒരു ദിവസം മുഴുവൻ, അതായത് 24 മണിക്കൂറും സൂര്യപ്രകാശം ലഭിക്കുന്ന രാജ്യങ്ങളും പ്രത്യേകതകളും 

⭕ അങ്ങനെയുമുണ്ട് ചില രാജ്യങ്ങൾ. ആർട്ടിക് വൃത്തത്തിന് വടക്ക് ഭാഗത്തും, അന്റാർട്ടിക് വൃത്തത്തിന് തെക്കുഭാഗത്തായുമാണ് ഈ അപൂർവ പ്രതിഭാസം ഒരുക്കുന്ന രാജ്യങ്ങൾ. അർധരാത്രിയിൽ സൂര്യൻ ഉദിക്കുന്ന ഒരു രാജ്യമാണ് അലാസ്‌ക. ഉത്തരാർധ ഗോളത്തിന് സമീപമായി സ്ഥിതിചെയ്യുന്ന രാജ്യമായതിനാലാണ് അലാസ്‌കയിൽ രാത്രിയിലും സൂര്യൻ ഉദിക്കുന്നത്.മെയ്, ജൂൺ, ജൂലൈ, ആഗസ്റ്റ് മാസങ്ങളിലായിരിക്കും അലാസ്‌കയിൽ വേനൽക്കാലം, ഈ സമയത്താണ് അത്ഭുത പ്രതിഭാസം ദൃശ്യമാകുന്നത്. ഈ സമയങ്ങളിൽ ഇവിടുത്തെ പകലിന് ദൈർഘ്യം കൂടുതലായിരിക്കും. ജൂൺ 20 ന് അലാസ്‌കയിൽ 22 മണിക്കൂർ സൂര്യപ്രകാരം ലഭിക്കും.അലാസ്കയ്ക്ക് പുറമെ ഐസ്‌ലൻഡ്, ഗ്രീൻലൻഡ്, നോർവേ, സ്വീഡൻ, ഫിൻലൻഡ്, വടക്കൻ റഷ്യ, ഉത്തര ധ്രുവം, ദക്ഷിണ ധ്രുവം തുടങ്ങിയിടത്തും പാതിരാസൂര്യൻ പ്രത്യക്ഷമാവാറുണ്ട്.ഭൂമിയുടെ ഭ്രമണത്തിനനുസരിച്ചാണ് ഈ പ്രതിഭാസം സംഭവിക്കുന്നത്.

⚙️ പാതിരാ സൂര്യൻ 

⭕ആർട്ടിക് സർക്കിളിന് വടക്ക് അല്ലെങ്കിൽ അന്റാർട്ടിക്ക് സർക്കിളിന് തെക്ക്, വേനൽക്കാലത്ത് പ്രാദേശിക അർദ്ധരാത്രിയിൽ സൂര്യൻ ദൃശ്യമാകുമ്പോൾ ഉണ്ടാകുന്ന ഒരു സ്വാഭാവിക പ്രതിഭാസമാണ് പാതിരാ സൂര്യൻ. ആർട്ടിക് അർദ്ധരാത്രി സൂര്യനെ കാണുമ്പോൾ, സൂര്യൻ ഇടത്തുനിന്ന് വലത്തോട്ട് നീങ്ങുന്നതായി കാണപ്പെടുന്നു, പക്ഷേ അന്റാർട്ടിക്കയിൽ തുല്യമായ ചലനം വലത്തുനിന്ന് ഇടത്തോട്ട്.

⭕രാത്രി പന്ത്രണ്ടു മണി ആയാലും സൂര്യന്‍ ഉദിച്ചു നില്‍ക്കുന്നു. ഇങ്ങനെ ദിവസങ്ങളോളം കാണാന്‍ സാധിക്കും. എപ്പോഴും പകലായിരിക്കും. നമ്മുടെ നാട്ടിലുള്ളവര്‍ക്ക് ഇങ്ങനെയൊരു സ്ഥിതിയെക്കുറിച്ച് ചിന്തിക്കാന്‍ അല്‍പ്പം പ്രയാസമായിരിക്കും. സന്ധ്യമയങ്ങിക്കഴിഞ്ഞാല്‍ പിന്നെ സൂര്യനസ്തമിച്ച് എങ്ങും ഇരുട്ട് പരക്കുന്നു. ഇതാണ് നമ്മള്‍ കണ്ടു ശീലിച്ചത്. 12 മണിക്കൂര്‍ ഒക്കെയായിരിക്കും പകല്‍. എന്നാല്‍ ഇരുപതും ഇരുപത്തിനാല് മണിക്കൂറുമൊക്കെ പകല്‍ സമയമായി ഇരിക്കുന്ന സ്ഥലങ്ങള്‍ കാണാം. ആര്‍ട്ടിക് സര്‍ക്കിളിന് സമീപം സ്ഥിതി ചെയ്യുന്ന ചില സ്ഥലങ്ങളില്‍ ഇങ്ങനെയുള്ള പ്രതിഭാസം കാണാന്‍ കഴിയുന്നു. വേനല്‍ക്കാലത്ത് പോയാല്‍ ഇവിടങ്ങളില്‍ ഇതായിരിക്കും അവസ്ഥ. പച്ചയ്ക്കു പറഞ്ഞാല്‍ വാച്ചില്‍ നോക്കിയില്ലെങ്കില്‍ രാത്രിയേതാ പകലേതാണ് തിരിച്ചറിയാന്‍ കഴിയാത്ത അവസ്ഥ. സന്ധ്യാസമയമായാലും സൂര്യന്‍ അസ്തമിക്കാതെ നില്‍ക്കുന്ന കാഴ്ച്ചയാണ്. എന്നാല്‍ ഈ സമയങ്ങളില്‍ നിരവധി പ്രവര്‍ത്തനങ്ങളും നടത്താറുണ്ട്. കായിക ഇനങ്ങളും സാഹസിക വിനോദങ്ങളുമൊക്കെ സംഘടിപ്പിക്കുന്നു. ഗോള്‍ഫ് കോഴ്‌സുകളില്‍ ഗോള്‍ഫ് കളിക്കാന്‍ ആള്‍ക്കാര്‍ ദൂരദേശങ്ങളില്‍ നിന്നു പോലും എത്തുന്നു. കുതിര സവാരി, ബോട്ടിംഗ്, റോക്ക് ക്ലൈംബിംഗ് എന്നിവയില്‍ ഏര്‍പ്പെട്ടിരിക്കുന്ന ആള്‍ക്കാരെ കാണാം. രാത്രി പന്ത്രണ്ടുമണിക്കും സൂര്യപ്രകാശം നിറഞ്ഞു നില്‍ക്കുന്ന ചില സ്ഥലങ്ങളിലൊന്ന് പോയിട്ടു വരാം.

⚙️ നോര്‍വെ

⭕വടക്കുപടിഞ്ഞാറന്‍ യൂറോപ്യന്‍ രാജ്യമായ നോര്‍വെയാണ് ഇക്കാര്യത്തില്‍ ഏറ്റവും പ്രശസ്തം. പാതിരാ സൂര്യന്റെ നാട് എന്നു പോലും അറിയപ്പെടുന്നു. നമ്മുടെ നാട്ടില്‍ സന്ധ്യ മയങ്ങിക്കഴിഞ്ഞാല്‍ പിന്നെയെങ്ങും ഇരുട്ടായിരിക്കും. എന്നാല്‍ ഇവിടെ കാര്യങ്ങള്‍ അങ്ങനെയല്ല. വര്‍ഷത്തിലെ ഭൂരിഭാഗം സമയവും ഇവിടെ സൂര്യന്‍ അസ്തമിക്കുന്നില്ല. രാത്രിയിലും പകല്‍ പോലെ സൂര്യപ്രകാശമുണ്ടാകും. ഉയര്‍ന്ന അക്ഷാംശത്തില്‍ സ്ഥിതി ചെയ്യുന്നതുകൊണ്ടാണ് ഇങ്ങനെ. മെയ് മുതല്‍ ജൂലൈ വരെയുള്ള വേനല്‍ക്കാലത്ത് ആര്‍ട്ടിക് സര്‍ക്കിളിന് വടക്കുള്ള പ്രദേശങ്ങളില്‍ 24 മണിക്കൂറും സൂര്യപ്രകാശം ലഭിക്കുന്നു. ബാക്കിയുള്ള പ്രദേശങ്ങളില്‍ 20 മണിക്കൂര്‍ വരെ വെളിച്ചമുണ്ടാകാറുണ്ട്. മുഴുവന്‍ സമയവും സൂര്യന്‍ ഉദിച്ചു നില്‍ക്കുന്നത് കാണണമെങ്കില്‍ നോര്‍വെയുടെ വടക്കന്‍ ഭാഗങ്ങള്‍ സന്ദര്‍ശിച്ചാല്‍ മതി.

⚙️ കാനഡ

⭕കാനഡിയിലെ ചില ഭാഗങ്ങളിലും സൂര്യന്‍ മുഴുവന്‍ സമയവും ഉദിച്ചു നില്‍ക്കുന്ന കാഴ്ച്ച കാണാന്‍ കഴിയും. ഇനുവിക്, വടക്കുപടിഞ്ഞാറന്‍ പ്രദേശങ്ങള്‍ എന്നീ സ്ഥലങ്ങളിലെത്തിയാല്‍ വര്‍ഷത്തില്‍ അമ്പതോളം ദിവസം ഇങ്ങനെയായിരിക്കും. വേനല്‍ക്കാലത്തെ ദിനങ്ങളായിരിക്കും ഇങ്ങനെ കാണാന്‍ കഴിയുക. ഈ സമയത്ത് നിരവധി ആഘോഷ പരിപാടികളും മേളകളും സംഘടിപ്പിക്കാറുണ്ട്. ഗ്രേറ്റ് നോര്‍ത്തേണ്‍ ആര്‍ട്‌സ് ഫെസ്റ്റിവല്‍ ഇതില്‍ പ്രധാനമാണ്. ജൂലൈ പകുതിയോടെയാണ് എല്ലാ വര്‍ഷവും ഈ ആഘോഷം നടക്കുന്നത്. ഗോള്‍ഫ് മത്സരങ്ങള്‍ അടക്കമുള്ളവയും ചില സ്ഥലങ്ങളില്‍ സംഘടിപ്പിക്കുന്നു. ഇതില്‍ നിവധി പേര്‍ പങ്കെടുക്കാന്‍ വിവിധ സ്ഥലങ്ങളില്‍ നിന്ന് എത്താറുമുണ്ട്.

⚙️ ഫിന്‍ലാന്റ്

⭕അര്‍ദ്ധരാത്രിയിലും റോക്ക് ക്ലൈബിംഗ്, ഹൈക്കിംഗ്, തുടങ്ങിയ സാഹസിക വിനോദങ്ങളില്‍ ഏര്‍പ്പെടാന്‍ കഴിയുമോയെന്ന് ചിന്തിച്ചിട്ടുണ്ടോ. എന്നാല്‍ ഫിന്‍ലാന്റിലേക്ക് പോയാല്‍ ഇതൊക്കെ ആസ്വദിക്കാനാകും. അതും അര്‍ദ്ധരാത്രി സമയത്ത്. പേരു മാത്രമെ രാത്രിയെന്നുള്ളു. പകല്‍ പോലെ വെളിച്ചമുണ്ടാകും. സൂര്യന്‍ ഉദിച്ചു നില്‍ക്കുന്ന കാഴ്ച്ച കാണാന്‍ കഴിയും. എന്നാല്‍ വര്‍ഷത്തില്‍ എല്ലാ സമയവും ഇത് പ്രതീക്ഷിക്കരുത്. വേനല്‍ക്കാലത്ത് സന്ദര്‍ശനം നടത്തുക. ഫിന്നിഷ് ദേശീയ അവധി യുള്ള സമയം ഇവിടേക്ക് വണ്ടി കയറിയാല്‍ ഈ പ്രതിഭാസം നേരില്‍ കണ്ട് അത്ഭുതപ്പെടാം. രാത്രി 12 മണി ആയാലും ആള്‍ക്കാര്‍ പുറത്തുണ്ടാകും. വിവിധ കാര്യങ്ങളില്‍ അവര്‍ വ്യാപൃതരായിരിക്കുന്നത് കാണാന്‍ കഴിയും.

⚙️ ഐസ്‌ലാന്റ്

⭕വെള്ളച്ചാട്ടങ്ങളും അഗ്നിപര്‍വതങ്ങളും ഗ്ലേസിയറുകളും നീരുറവകളും നിറയെ കാണാന്‍ പറ്റിയ സ്ഥലമാണ് ഐസ്‌ലാന്റ്. രാത്രികാലങ്ങളില്‍ സൂര്യന്‍ ഉദിച്ചു നില്‍ക്കുന്ന കാഴ്ച്ച നിങ്ങള്‍ക്ക് ഇവിടെ വന്നാലും കാണാന്‍ കഴിയും. വേനലവധിക്കാലം അടിച്ചുപൊളിക്കാനാണ് കൂടുതല്‍ പേരും ഐസ്ലാന്റിലേക്ക് പോകാറുള്ളത്. കുതിര സവാരി, ഗോള്‍ഫ് മത്സരം എന്നിവയില്‍ നിങ്ങള്‍ക്ക് സമയം ചെലവഴിക്കാം. അതും രാത്രിയില്‍. ഗോള്‍ഫ് കളിക്കാനായി ഇവിടെ അറുപ്പത്തഞ്ചോളം ഗോള്‍ഫ് കോഴ്‌സുകളാണുള്ളത്. ഇവയില്‍ രാത്രികാലങ്ങളില്‍ സൂര്യപ്രകാശത്തില്‍ തന്നെ നിങ്ങള്‍ക്ക് ഗോള്‍ഫ് കളിക്കാം. ആര്‍ട്ടിക് സര്‍ക്കിളുമായി ചേര്‍ന്ന് കിടക്കുന്ന പ്രദേശമായതിനാല്‍ മറ്റ് സ്ഥലങ്ങളിലൊന്നും ലഭിക്കാത്ത കാഴ്ച്ചകള്‍ ഇവിടെ നിങ്ങള്‍ക്ക് ലഭിക്കുന്നു. ക്യാമ്പിംഗ്, ഡൈവിംഗ് അടക്കമുള്ള കാര്യങ്ങളും നിങ്ങള്‍ക്ക് ഐസ്‌ലാന്റില്‍ കാണാന്‍ കഴിയും.

⚙️ സ്വീഡന്‍ 

⭕സ്വീഡന്റെ തലസ്ഥാനമായ സ്റ്റോക്‌ഹോമില്‍ പാതിരാസൂര്യനെ കാണാന്‍ ഭാഗ്യം ലഭിക്കും. രാത്രി പന്തണ്ടു മണി വരെ സൂര്യന്‍ ഉദിച്ചു നില്‍ക്കുന്നു. അപ്പോള്‍ അസ്തമിക്കുന്ന സൂര്യന്‍ രാവിലെ 4.30 ഓടെ വീണ്ടും ഉദിക്കുന്നു. രാത്രി വളരെ കുറവായിരിക്കും. 14 ദ്വീപുകളുള്ള സ്ഥലമാണ് സ്റ്റോക്‌ഹോം. മലറിന്‍ തടാകം ബാള്‍ട്ടിക് കടലുമായി സംഗമിക്കുന്ന സ്ഥലം കൂടിയാണിത്. സ്‌റ്റോക്‌ഹോമിന്റെ മുപ്പതു ശതമാനവും വെള്ളം നിറഞ്ഞ പ്രദേശമാണെന്ന് പറയാം. റോഡുകളെക്കാള്‍ വെള്ളത്തിലൂടെയുള്ള ബോട്ട് സര്‍വീസുകള്‍ക്കാണ് പ്രാധാന്യം കൂടുതല്‍. ഇവിടെയെത്തുന്ന സഞ്ചാരികള്‍ക്ക് പാതിരാത്രിയില്‍ ബോട്ടിംഗ് നടത്താന്‍ അവസരം ലഭിക്കുന്നു. സ്വീഡനില്‍ കാണാന്‍ വേറെയും നിരവധി കാഴ്ച്ചകളുണ്ട്. സ്‌കാന്‍സെന്‍ സസ്വീഡനിലെ മറ്റൊരു ടൗണാണ്. പഴയകാല പ്രൗഡിയും പാരമ്പര്യവും സംസ്‌കാരവും ഇപ്പോഴും നിഴലിക്കുന്ന ഒരു നഗരമാണ്. ഇവിടേക്കും നിരവധി ടൂറിസ്റ്റുകള്‍ ഒഴുകിയെത്താറുണ്ട്