ആംബർ - ഫോസിലൈസ്ഡ് റെസിൻ 

⭕ചില പ്രത്യേകതരം മരങ്ങളിൽ നിന്ന് ഊർന്നിറങ്ങുന്ന സ്രവം ( കറ അഥവാ പശ എന്നും പറയാം) ആണ് ആംബർ. അറബി പദമായ അൻബാർ ʿanbar എന്ന വാക്കിൽ നിന്നാണ് ആംബർ എന്ന ഇംഗ്ളീഷ് വാക്ക് രൂപം കൊണ്ടത് എന്ന് കരുതപ്പെടുന്നു. മുത്ത്, പവിഴം എന്നിവയോടൊപ്പം ആംബറും ജൈവരത്നങ്ങൾ എന്ന വിഭാഗത്തിൽ ഉൾപെടുന്നു. ആഭരണാലങ്കാരങ്ങൾക്ക് പുറമേ പുരാവസ്‌തു ശാസ്‌ത്രത്തിലും ജനിതകശാസ്ത്രത്തിലും ആംബർ വ്യാപകമായി ഉപയോഗിക്കുന്നു. സുഗന്ധധൂമമായും, നാട്ടുവൈദ്യങ്ങൾക്കും പലയിടങ്ങളിലും ആംബർ ഉപയോഗിക്കുന്നു. പതിനായിരത്തിലേറെ വർഷങ്ങൾക്ക് മുൻപ് തന്നെ ആളുകൾ ആമ്പറിൽ നിന്ന് ആഭരണങ്ങൾ നിർമ്മിച്ചിരുന്നു എന്ന് കണ്ടെത്തിയിട്ടുള്ളതിനാൽ, ഇതുവരെ ഉപയോഗിച്ചിട്ടുള്ളതിൽ വച്ച് ആദ്യത്തെ രത്ന വസ്തുവായി ആമ്പറിനെ കണക്കാക്കാം തേൻ അല്ലെങ്കിൽ പശ പോലെ അംബർ സ്റ്റിക്കി ആണ്. പ്രാണികൾ മരത്തിന്റെ സ്രവത്തിൽ മനപൂർവ്വം അല്ലെങ്കിൽ ആകസ്മികമായി ഇറങ്ങുമ്പോൾ അതിൽ ഒട്ടിപ്പിടിക്കുന്നു. മരം സ്രവം ഒഴുകുന്നത് തുടരുകയും പ്രാണിയെ സ്രവം കഠിനമാക്കുകയും ചത്ത പ്രാണികളെ അതേ രൂപത്തിൽ എന്നെന്നേക്കുമായി സംരക്ഷിക്കുകയും ചെയ്യുന്നു.

 ⭕ഹൈഡ്രോകാർബണുകൾ, റെസിനുകൾ, സുക്സിനിക് ആസിഡ്, എണ്ണകൾ എന്നിവയുൾപ്പെടെയുള്ള ജൈവ സംയുക്തങ്ങളുടെ ഒരു രൂപരഹിതമായ മിശ്രിതമാണ് അംബർ. പുരാതന വൃക്ഷങ്ങളുടെയും വിശിഷ്യാ ചില പൈൻ മരങ്ങളുടെയും കറ, ദശലക്ഷക്കണക്കിന് വർഷങ്ങളോളം പ്രക്ര്യതിയുടെ ജൈവ സംസ്കരണത്തിന് വിധേയമായി രൂപപ്പെടുന്ന ഫോസിലുകളാണ് ഇവ. ആമ്പറിനെ സാധാരണയായി ഫോസിലൈസ്ഡ് റെസിൻ എന്നാണ് വിളിക്കുന്നതെങ്കിലും യാഥാർത്ഥത്തിൽ മറ്റു ഫോസിലുകൾ പോലെ ആംബറിലെ ധാതുസംയുക്തങ്ങൾക്ക് രൂപമാറ്റം വരുന്നില്ല. പകരം പ്രകൃത്യാലുള്ള രൂപാന്തരണത്തിലൂടെ ഇത് ഒരു ജൈവ പ്ലാസ്റ്റിക് രൂപത്തിലേയ്ക്ക് പരിണമിയ്ക്കുകയാണ് ചെയ്യുന്നത്. ആയതുകൊണ്ട് തന്നെ സഹസ്രാബ്ദങ്ങൾക്ക് മുൻപ് ഈ കറയിൽ അകപ്പെടുന്ന ജീവികൾ ജൈവഘടനയിൽ മാറ്റം വരാതെ ഇപ്പോഴും നിലനിൽക്കുന്നു. ഭൂമിയിൽ നിന്ന് നാമാവശേഷമായ പല ജീവി വർഗ്ഗങ്ങളെയും ആംബർ കല്ലുകളിൽ നിന്ന് കണ്ടെടുക്കുകയും അവയുടെ ജനിത ഘടനയെക്കുറിച്ചും ആവാസമേഘലകളെക്കുറിച്ചും പഠനം നടത്തുകയും ചെയ്യാൻ ശാസ്ത്രജ്ഞമാർക്ക് കഴിയുകയും ചെയ്തു. കൊതുകുകൾ നിരവധി ചെറു പ്രാണികൾ, ചിലന്തികൾ തേളുകൾ പക്ഷിക്കുഞ്ഞുങ്ങൾ എന്നിവ ഇങ്ങനെ കണ്ടെത്തിയിട്ടുണ്ട്. ഇവ കൂടാതെ വംശനാശം സംഭവിച്ച ആയിരത്തിലധികം പ്രാണികളെ അമ്പറിൽ നിന്ന് കണ്ടെത്തിയിട്ടുണ്ട്.

⭕പ്രഷ്യയിലെ കൊനിഗ്സ്ബെർഗിന് Königsberg പടിഞ്ഞാറ് സാംലാൻഡ് തീരമാണ് ലോകത്തിലെ ഏറ്റവും പ്രധാന ആമ്പർ ഉറവിടം. ലോകത്തെ വേർതിരി ച്ചെടുക്കാവുന്ന ആമ്പറിന്റെ 90% ഇപ്പോഴും ആ പ്രദേശത്താണ് സ്ഥിതിചെയ്യുന്നത്. . ശാസ്ത്രജ്ഞരുടെ അഭിപ്രായത്തിൽ, ഏറ്റവും പഴക്കം ചെന്ന അംബർ 'കാർബൺ കാലഘട്ടത്തിൽ' നിന്നാണ് ഉത്ഭവിച്ചിട്ടുള്ളത്. ഏകദേശം 345 ദശലക്ഷം വർഷം പ്രായം ഉണ്ട്. 

⭕ധ്രുവ പ്രദേശങ്ങൾ ഒഴികെ ലോകമെമ്പാടും അംബർ കണ്ടെത്തിയിട്ടുണ്ട്, എന്നാൽ ഏറ്റവും വലിയതും പ്രധാനപ്പെട്ടതുമായ നിക്ഷേപങ്ങൾ ബാൾട്ടിക് കടലിന്റെ തീരത്ത് 40,000,000 മുതൽ 60,000,000 വർഷം വരെ പഴക്കമുള്ള ബാൾട്ടിക് അംബർ ആണ് ഏറ്റവും മികച്ച ആംബർ. എന്നാൽ ഡൊമിനിക്കൻ ആമ്പറിൽ ജീവിവർഗ്ഗങ്ങൾ ഉണ്ടാകാനുള്ള സാധ്യത കൂടുതലാണ്. 

ഓറഞ്ച്, തവിട്ട്, അപൂർവ്വമായി ചുവപ്പ് എന്നിവയുടെ മഞ്ഞ നിറത്തിലുള്ള എല്ലാ ഷേഡുകളിലും ക്രമരഹിതമായ നോഡ്യൂളുകൾ, ദണ്ടുകൾ അല്ലെങ്കിൽ മഴത്തുള്ളി പോലുള്ള ആകൃതികളായി അംബർ മാറുന്നു. . വെളുത്ത ഇനങ്ങളെ അസ്ഥി ആമ്പർ (bone amber) എന്ന് വിളിക്കുന്നു. ചില ആമ്പറുകളിൽ നിരവധി വായു കുമിളകൾ കാണപ്പെടുന്നു. ആമ്പറിന്റെ എല്ലാ നിറങ്ങളിലും അപൂർവമാണ് നീല അംബർ. Dominican republic ൽ മാത്രമാണ് നീല അമ്പർ കാണപ്പെടുന്നത്. സാധാരണയായി വിപണിയിൽ നീല നിറത്തിലുള്ള ആമ്പർ കണ്ടെത്തുകയില്ല. ഡൊമിനിക്കൻ ബ്ലൂ ആമ്പറിന്റെ ഉത്ഭവത്തെക്കുറിച്ച് നിരവധി സിദ്ധാന്തങ്ങളുണ്ടെങ്കിലും, 25 മുതൽ ഏകദേശം വരെ 40 ദശലക്ഷം വർഷങ്ങൾക്ക് മുമ്പ്വം ശനാശം സംഭവിച്ച ഹൈമീനിയ പ്രോട്ടീറ മരങ്ങൾ കാട്ടുതീയിൽ പകുതി കരിഞ്ഞതിൽ നിന്ന് ഉണ്ടായതാണ് നീല അമ്പർ എന്ന് പറയപ്പെടുന്നു. ഇത് മുറിച്ച് മിനുക്കുമ്പോൾ സാധാരണ ആമ്പറിൽ നിന്ന് വ്യത്യസ്തമായിനീല അംബർ വളരെ സുഗന്ധം (ആരോമാറ്റിക് തന്മാത്രകൾ) പുറപ്പെടുവിക്കുന്നു